Një ngjarje e rëndë ka ndodhur në fshatin Randobravë të Prizrenit mëngjesin e kësaj të premteje. Policia e Kosovës bën me dije se pas një konflikti verbal me familjarët, babai ka nxjerrë armën e zjarrit dhe ka qëlluar tri herë në drejtim të vajzës së tij, shtetases A. H. 31-vjeçe.
Ka qenë djali, ai i cili ka shpëtuar motrën duke i hequr me forcë armën nga dora babait.
Pas sherrit, babai është larguar nga shtëpia, ndërkohë që policia e Kosovës po punon për lokalizimin dhe arrestimin e tij.
“I dyshuari fillimisht nëpërmes telefonit ka raportuar policinë se ka gjuajtur në drejtim të vajzës së tij dhe se nuk e di a e ka vrarë apo jo dhe në ndërkohe është vetë dorëzuar në Stacionin Policor Prizren”, ka thënë Policia e Kosovës.
“Por në ndërkohë, në Stacionin Policor Prizren Veri, kanë arritur motër e vëlla, të cilët e kanë dorëzuar armën gjithashtu. Asnjë person nuk ishte vrarë apo lënduar”, ka theksuar më tej Policia.
Nga Policia është bërë mbledhje e provave dhe dëshmive në vendin e ngjarjes, ndërkohë që materialet i janë dërguar prokurorisë për veprime të mëtejshme.
