Futbolli i Kosovës është në zi, pasi talenti 17-vjeçar i Trepçës ’89, Erion Kajtazi, ka vdekur në fushën e lojës të shtunën pas një arresti kardiak.
Lajmi është konfirmuar nga Federata e Futbollit të Kosovës, Trepça ‘89 dhe Emergjenca e Spitalit të Prizrenit.
Kajtazi, që veshi edhe fanellën e Përfaqësueses së Kosovës U17, gjatë ndeshjes kundër A&N në Prizren ra në tokë pa vetëdije.
Siç ka njoftuar FFK-ja, mjekët e të dyja skuadrave bën përpjekje maksimale për t’ia shpëtuar jetën talentit 16-vjeçar, por ishte e pamundur. Mjekët konstatuan vdekjen që ka ardhur si pasojë e një arresti kardiak.
Reagim emocional pati klubi ku luante Kajtazi. Presidenti i Trepçës ’89, Abedin Zeka, është shprehur i shokuar me vdekjen e 17-vjeçarit. Zeka ndër të tjera shkroi se po planifikonin transferimin e Kajtazit në Evropë në një të ardhme të afërt.
“Nuk gjejmë fjalë për të shkruar për ty, Erion. U rrite me të gjitha grupmoshat te ne. Ne planifikuam që në një të ardhme të afërt të realizojmë transferimin tënd në Evropë e se vjen kjo ditë të ndahemi nga ti, vetëm fizikisht, por jo edhe emocionalisht e shpirtërisht. Eri, siç të thërritshim të gjithë, do të mbetesh gjithmonë në mendjen tonë i dashur, i buzëqeshur, i afërt me të gjithë shokët dhe në përgjithësi klubin tonë”, thuhet në reagimin e presidentit të klubit mitrovicas.
Kreu i FFK-së, Agim Ademi, e përshkroi si lajm tronditës vdekjen e talentit 17-vjeçar, për të cilin thotë se iu ndalën ëndrrat futbollistike në gjysmë.
“Thellësisht i tronditur nga ndarja e parakohshme nga jeta e futbollistit të FC Trepça’89 dhe anëtarit të ekipeve të grupmoshave të Kombëtares së Kosovës, Erion Kajtazi. Një lajm që na tronditi dhe preku zemrat e gjithsecilit prej nesh si komunitet i futbollit, por edhe opinionin e Kosovës në përgjithësi. Vdekja e parakohshme i ndali në gjysmë ëndrrat e tij rinore dhe futbollistike. Erioni ndërroi jetë në fushën e gjelbër, aty ku filloi ta jetësonte ëndrrën e tij për t’u bërë një futbollist i madh, me të cilin do të krenohej jo vetëm familja, por edhe i gjithë kombi”, ka shkruar Ademi në profilin e tij në Facebook, duke i shprehur ngushëllime familjes së lojtarit, klubit Trepça ’89 dhe tërë komunitetit të futbollit.
a.m/dita
Ka vdekur nga vaksinat e Covidit.
Vrasje me vaksin
17 vjeç me zemër?????!
Mendjet kriminale qe shperndane covidin-19 ne bote dhe me pas bene nje vaksine vrastare eshte krimi me i rende ndaj njerezimit te te gjitha koheve. Vrane me shume njerez dhe per fat te keq po vazhdojne dhe do te vazhdojne te vrasin sepse mRNA-ja qe ju kane injektuar njerezve po shoqerohet jo vetem me miokardit por edhe me kancer, hemoragji cerebrale, kancer te mitres, dhe shume e shume sumundje qe jane shtuar me fish dhe jo me perqindje te vogla. Keta maskarenj duhen te ndeshkohen nga popujt e botes. Keto vrasje nuk duhet te lihen te shkojne pa ndeshkim popullor.