Grupi BALFIN organizoi edicionin e dytë të Forumit Balfin Retail ditën e djeshme në Tiranë. Forumi mblodhi së bashku drejtues dhe menaxherë nga SPAR Albania, FGA, OnSolutions, Elektro-servis, ACREM, Tirana Bank, Skopje East Gate, KidZone, operatori zyrtar i Jumbo, dhe Neptun, nga Shqipëria, Kosova, Maqedonia e Veriut, Mali i Zi, Bosnja dhe Hercegovina, si dhe anëtarë të bordit dhe folës të shquar të ftuar për të diskutuar tendencat e konsumatorëve dhe të ardhmen e shitjes me pakicë.
Forumi u përshëndet nga Zv. Presidenti i Retail në BALFIN Group, Julian Mane. “Ne jemi sot këtu për të gjetur përgjigjen e disa pyetjeve shumë të rëndësishme, të tilla si, si do të duken kompanitë tona të shitjes dhe qendrat tregtare pas 10 vitesh; çfarë risish dhe përvojash do t’i prezantojnë tregut dhe klientëve në të ardhmen,” tha ai në fjalën e tij lidhur me strategjinë dhe arritjet e Grupit në sektorin e shitjes.
Seksionet e forumit trajtuan sfidat dhe tendencat aktuale dhe të parashikuara të retail-it, me pjesëmarrjen e folësve si të ftuar specialë dhe agjencive të njohura të konsulencës. Martin Newman, folës, kolumnist, autor, ekspert dhe këshilltar i njohur ndërkombëtarisht për transformimin e orientuar drejt klientit nga Mbretëria e Bashkuar, i prezantoi audiencës strategjinë e fitimit të konsumatorëve të fuqizuar. Dimitris Lolis ishte një tjetër folës i ftuar, me 35 vjet përvojë në menaxhim dhe konsulencë, marketing dhe shitje në disa kompani greke dhe shumëkombëshe, prezantimi i së cilit u fokusua në përmirësimin e operacioneve të retail-it në kohë të vështira, duke iu referuar zhvillimeve të fundit globale.
Eventi përfshinte gjithashtu prezantime nga Deloitte Albania dhe IDRA Research & Consulting, mbi treguesit dhe tendencat globale të shitjes me pakicë, si dhe blerjet sociale.
Forumi u konceptua si një event interaktiv me diskutime, pyetje dhe përgjigje pas çdo prezantimi, duke përfshirë aktorë dhe perspektiva të ndryshme të shitjes me pakicë.
Balfin Retail Forum, një nismë e Grupit BALFIN, zhvillohet për të dytin vit radhazi, në kuadër të forcimit të pozicionit të grupit si pionier në industri. Qëllimi kryesor i forumit është të eksplorojë tendencat e shitjes me pakicë, të përmirësojë operacionet dhe të përdorë sinergjitë dhe inovacionet. Një organizim i ngjashëm janë zbatuar së fundmi edhe me kompanitë e pasurive të paluajtshme të Grupit, duke demonstruar qasjen e BALFIN për zhvillimin e mëtejshëm dhe aplikimin e praktikave më të mira ndërkombëtare.
Thuhet “të ardhmen e industrisë”, kur në fakt është “e ardhmja e shitjeve me pakicë”. Nuk ka lidhje me prodhimin, por me tregtinë, që ndahet në me pakicë dhe shumicë. Lind pyetja, çfarë industrie ka Shqiperia?! Pas shkatërimeve që u bënë pas vitit 1990, industria shqiptare arriti nivelin zero, por lindi tregtia me shumicë dhe pakicë, e cila ka 32 vjet që lulëzon me modernizimet që po bën Balfin. Importi gjatë kësaj kohe ka qenë shumfish i eksporteve, që tregon që valuta që futet në Shqipëri në forma të tjera, del jashtë për importet dhe këto importe tregtohen edhe nga Balfin. Do të ishte me vlerë që Balfin të futej në investime industriale dhe kjo shprehje të merte kuptimin e vet, në vënd që të përdoret sot në vënd të emrit tregti me pakicë.