Jemi në verë dhe në plazhe është i pranishëm ‘shikimi’ vrasës i peshkaqenëve. Deri më tani këtë vit, një numër i madh janë parë në plazhet e Spanjës, Amerikës, Afrikës Veriore dhe deri në Azi. Përkundër faktit se më shumë se 30 lloje mund të gjenden në det, biologu detar Charlie Sarria siguroi në një intervistë se “ka më shumë gjasa të vdesë nga një pickim blete ose një kokos që bie, sesa nga një kafshim peshkaqeni”. Por ngjarja e frikshme në Egjipt tashmë ka ngritur alarmin.
Në rast se ka një peshkaqen në ujë, ekspertët thonë se duhet të qëndroni të qetë dhe të mos ikni. Në rast se keni frikë, ata do ta diktojnë dhe ndoshta nga rrahjet e zemrës, energjia trupore dhe turfullimi i gjakut: “Një peshkaqen është si një qen, i cili e di nëse keni frikë prej tij, ndaj duhet të qëndroni të qetë, të bëni lëvizje të buta dhe madje ta shikoni atë”, thotë profesori i biologjisë detare, José Carlos Garcia Gomez.
Në varësi të zonës në të cilën e gjeni peshkaqenin, duhet të veproni në një mënyrë ose në një tjetër: “Nëse jemi afër bregut, duhet të njoftojmë autoritetet dhe të dalim nga uji si masë paraprake”. Në rast se është në det të hapur, duhet “të qëndroni të qetë, të qëndroni në këmbë si të ishim peshk dhe të vendosni kontaktin me sy”, përfundojnë ekspertët.
