Një 34-vjeçar shqiptar, që u qëllua me armë zjarri një ditë më parë në Itali, humbi jetën si pasojë e plagëve të marra në spital. Të shtunën, rreth orës 16:30, Klaudio Myrtaj u gjet në gjendje të rëndë në zonën e Vernantes, pranë një punishte zdrukthëtarie. Ai u dërgua në spitalin e Cuneos, ku ndërroi jetë më pas.
Dyshohet se vrasësi e ka pritur viktimën jashtë një punishteje, ku ndodhej edhe pronari i 34-vjeçarit. Por, pasi është larguar pronari, autori ka vepruar me shpejtësi, ndërsa armën e ka përdorur me silenciator. Sipas mediave italiane, dyshohet se krim nisi për motive të dobëta xhelozie.
Policia po dëgjon në cilësinë e dëshmitarëve, mes të cilëve edhe e dashura e Klaudios dhe drejtuesi i punishtes. 34-vjeçari kishte dy vite që jetonte në Itali dhe punonte në kantieret e rrugëve, duke bashkëpunuar herë pas here edhe me zejtarë vendas.
p.c. / dita
