Plagosje me armë në Shijak. Në një njoftim zyrtar, policia bën me dije se autori, Arbër Hoxha, 30 vjeç, është identifikuar dhe se po punohet për kapjen e tij.
Në lidhje me ngjarjen, sipas njoftimit të Policisë, 36-vjeçari, Enidor Dedja, është qëlluar me armë zjarri në këmbë, i cili është në kujdesin e mjekëve, jashtë rrezikut për jetën.
Shërbimet e Policisë, me marrjen e njoftimit, shkuan menjëherë në vendin e ngjarjes dhe falë veprimeve të shpejta hetimore bënë të mundur identifikimin e autorit të dyshuarArbër Hoxha, banues në Durrës dhe vijon krehja e zonës për kapjen e tij.
Siç shihet nga pamjet, xhami i përparmë i biznesit pikë shitjeje pjesësh këmbimi, është bërë shoshë nga breshëria e plumbave.
Gjithashtu plumbat kanë kapur dhe një autobus që ndodhej aty pranë.
Si ndodhi ngjarja?
Dy persona janë konfliktuar në dyqanin që shet pjesë këmbimi automjetesh. Nuk dihet ende shkak i konfliktit.
Arbër Hoxha ka nxjerrë armën e zjarrit dhe ka plagosur 36-vjeçarin, i cili ndodhet në spital, ku po merr ndihmë mjekësore.
Ai ka marrë një plumb në këmbën e djathtë dhe fatmirësisht ndodhet jashtë rrezikut për jetën. Ndërkohë policia vijon punën për kapjen e autorit.
Njoftimi i Policisë:
Rreth orës 11:15, dyshohet se gjatë një konflikti të çastit, për motive të dobëta, është plagosur me armë zjarri në këmbë shtetasin 36-vjeçar, banues në Shijak, i cili është në kujdesin e mjekëve, jashtë rrezikut për jetën.
Shërbimet e Policisë, me marrjen e njoftimit, shkuan menjëherë në vendin e ngjarjes dhe falë veprimeve të shpejta hetimore bënë të mundur identifikimin e autorit të dyshuar shtetasit A. H., 30 vjeç, banues në Durrës dhe vijon krehja e zonës për kapjen e tij.
Grupi hetimor, në drejtimin e Prokurorisë, vijon punën për sqarimin e plotë të rrethanave të ngjarjes.
j.l./ dita
Duhet te filloj integrimi i bisneseve te vogla ne biznese te mesme.
Besoj se do coje ne uljen e cmimeve dhe rritjen e cilesise te produkteve.