Të shtëna me armë zjarri janë regjistruar pak minuta më parë në qytetin e Shkodrës.
Si pasojë, raportohet se ka ndërruar jetë shtetasi, Petrit Vuksani, 50-vjeç.
Të shtënat janë dëgjuar në lagjen “Tom Kola”.
Policia e Shkodrës ka shpallur në kërkim Lekë Vuksanin, si autorin e dyshuar të vrasjes.
Ai ka lidhje familjare me viktimën.
Mësohet se Petrit Vuksani i kishte shkuar në banesë për t’i marrë lekët e qirasë, por është zënë me Lekë Vuksanin.
Pas konfliktit, ky i fundit e ka qëlluar me automatik duke e lënë të vdekur dhe është larguar nga banesa.
Viktima, vetëm një muaj më parë kishte ardhur nga Anglia.
Njoftimi i policisë:
Shkodër/Informacion paraprak
Rreth orës 12:15, në lagjen “Tom Kola”, në rrethana ende të paqarta, në banesë, është vrarë me armë zjarri shtetasi P. V., 51 vjeç.
Shërbimet e Policisë dhe grupi hetimor kanë shkuar menjëherë në vendngjarje.
Janë ngritur pika kontrolli dhe po ushtrohet kontroll në zonë për kapjen e autorit të dyshuar.
Grupi hetimor, në drejtimin e Prokurorisë, po vijon punën për sqarimin e rrethanave të ngjarjes, si dhe për sigurimin e çdo prove, me qëllim identifikimin dhe kapjen e autorit.
j.l./ dita
