Këngëtari italian, Eros Ramazzotti, ka konfirmuar në rrjetet sociale partneren e re. E reja quhet Dalila Gelsomino dhe është 34 vjeçe, njëçerekshekulli më e re se artisti. Çifti po ecnin së bashku prillin e kaluar nëpër stacionin Atocha në Madrid, kur filluan të lindnin zëra për një lidhje të mundshme. “Mund t’ju them vetëm se jam në një fazë të jetës sime plot dashuri”, siguroi asokohe këngëtari. Tani ai e ka konfirmuar këtë lidhje përmes rrjeteve të tij sociale, me disa fotografi romantike të të dyve.
“Mos i dëgjoni fjalët e njerëzve, dashuria është e shurdhër, kokëfortë, nuk ka moshë, bën mirë, nuk fshihet, mëson, rritet, herë është e ashpër e herë i kalon kufijtë. një anë e errët, një irracionale. Është e bukur, por në të njëjtën kohë e panjohur. Le ta jetojmë këtë dashuri deri në fund. Të gjithë. Pa frikë. Të dua”, tha italiani në deklaratën e tij të dashurisë. Nga ana tjetër, e reja italiane ka dashur të publikojë edhe një shenjë dashurie për partnerin e saj në rrjetet sociale.
“Ti je i sjellshëm, i përulur, i çmendur, i këndshëm… Me një fisnikëri çarmatosëse. I ke këmbët në tokë, megjithëse unë mund të fluturoja nga një planet në tjetrin me ty, nëse do të doja. Për mua, ka qenë një dhuratë që do të të shoqërojë në turneun tënd. “Battito Infinito’ dhe duke pasur fatin të dëshmoj kaq shumë art. Ti je i madh, dashuria ime. Tani le të vijë uragani”, ka shpjeguar ajo në publikimin e saj, duke e shoqëruar tekstin me disa imazhe.
