Një ngjarje e rëndë është regjistruar në fshatin Pishaj të Gramshit, ku një 75-vjeçar është gjetur i mbytur në ujërat e lumit Devoll. Sipas grupit hetimor, dyshohet që i moshuari të jetë mbytur, pasi në trupin e tij nuk janë konstatuar shenja dhune.
Informacion paraprak:
Më datë 19.07.2023, në fshatin Pishaj, në shtratin e lumit Devoll, është gjetur i pa jetë, shtetasi Q. Z., 75 vjeç, banues në Gramsh, i cili dyshohet se është mbytur në lumë. Nga këqyrja paraprake e trupit të 75-vjeçarit, nuk janë konstatuar shenja dhune.
Për këtë shtetas, më datë 17.07.2023, ka bërë kallëzim në Polici, djali i tij shtetasi L. Z., 43 vjeç, ku ka deklaruar se është larguar nga banesa babi i tij dhe nuk është kthyer më. Grupi hetimor po punon për dokumentimin e plotë të rrethanave të ngjarjes”, thotë Policia.