Ish-kryetari i SHISH Fatos Klosi mund të jetë një ndër dëshmitarët në procesin gjyqësor ndaj 4 ish-liderve të UÇK-së që nisi më 3 prill në Hagë.
Klosi është shprehur gjatë këtyre ditëve kundër gjykatës së Hagës, duke e cilësuar gjykatën Speciale të Kosovës si qokë ndaj Serbisë.
“Gjykata Speciale nuk është normale. Gjykata u aprovua në Parlamentin e Kosovës në 2015-n, shumë vjet mbas mbarimit të luftës. Është aprovuar me një presion shumë të fortë. Është ngritur për t’i bërë një qokë Serbisë.
Është krijuar një gjykatë për të hetuar krimet e bëra jashtë lufte, jo krimet e bëra me ushtarët serbë apo policinë serbe. Janë arrestuar këta njerëz dhe kanë 2 vjet e gjysmë që po mbledhin prova, dëshmitarë, po i përgatisin dëshmitarët si duhet të flasin, çfarë duhet të thonë.
Po thonë që e çuan gjykatën në Hagë se kishin frikë mos rrezikohen dëshmitarët. Nuk është gjykatë normale”, tha Klosi gjatë një interviste televizive.
m.b./dita
