Një 47-vjeçar është vënë në pranga në qytetin e Fierit, pasi akuzohet se ka ushtruar dhunë ndaj një punonjësi policie. A. D., banues në këtë qytet, nuk i është bindur uniformave blu gjatë një kontrolli dhe i ka kundërshtuar me forcë. Specialistët për Hetimin e Krimeve të Komisariatit, kryen veprimet procedurale të ndalimit, duke konstatuar se kolegu i tyre “u sulmua gjatë përmbushjes së një procedure standarde pune”, ka njoftuar policia e Fierit.
Ndërkohë, në Mallakastër është arrestuar një 39-vjeçar pasi ka shkelur masën e sigurisë ‘arrest shtëpie dhe është kapur në lokal. “Specialistët për Hetimin e Krimeve të Komisariatit të Policisë Mallakastër arrestuan në flagrancë shtetasin E. B., 39 vjeç, banues në Ballsh, për veprën penale “largimi i të burgosurit nga vendi i qëndrimit”, pasi është konstatuar nga shërbimet e Policisë, në një lokal, ndërkohë që ishte me masë sigurie “arrest në shtëpi”, për dhënie ndihmë për kalim të paligjshëm të kufirit”, thuhet në njoftimin e policisë.
