Presidenti i Federatës Botërore të Futbollit (FIFA), Gianni Infantino iu bëri thirrje Rusisë dhe Ukrainës që të mbajnë armëpushim njëmujor, gjatë Kampionatit Botëror të Futbollit.
Duke folur në samitin e grupit të vendeve më të industrializuara, G20, Infantino tha se Kupa e Botës siguron një “platformë unike” për paqe dhe unitet, sepse ngjarja do të ndiqet nga rreth 5 miliardë njerëz në televizion.
“Kështu që lutja ime për të gjithë ju është që të mbani armëpushim për një muaj, aq sa zgjat Kupa e Botës”, tha Infantino në Bali të Indonezisë.
“Ju jeni udhëheqësit botërorë. Ju e keni aftësinë të ndikoni në rrjedhën e historisë”, tha ai.
Kupa e Botës nis të dielën në Katar.
Kreu i Komiteti Olimpik Ndërkombëtar, Thomas Bach u ka bërë thirrjeve vendeve që t’i dërgojnë atletët në Katar, bazuar në meritat e tyre sportive, e jo në politikë.
“Ne kemi nevojë për pjesëmarrjen e të gjithë sportistëve që i pranojnë rregullat – edhe nëse vendet e tyre janë në konfrontim”, ka thënë Bach.
Organizata të ndryshme sportive ndërkombëtare kanë vendosur sanksione ndaj Rusisë dhe atletëve të saj, pas pushtimit të Ukrainës.
j.l./ dita
FIFA organizata me e korruptuar nga Ruset dhe Arabet.