Platforma e mesazheve të shkurtra “Threads”, e cila konsiderohet rival i Twitter-it të Elon Musk, një vazhdim i Instagram-it dhe një produkt i ri i Facebook-ut, është në dispozicion të përdoruesve në rreth 100 vende, raporton Protothema.
Mësohet se më shumë se pesë milionë regjistrime janë bërë në orët e para, por nisja e ‘Threads’ në Evropë është vonuar për shkak të shqetësimeve për privatësinë e të dhënave.
Platformës i janë bashkuar eshe njerëz të famshëm, të cilët kanë nxituar të krijojnë një llogari, si Jennifer Lopez, Shakira dhe Hugh Jackman, si dhe media si Washington Post, Reuters dhe Economist.
Ashtu si Twitter, aplikacioni përmban postime të shkurtra me tekst që përdoruesit mund t’i pëlqejnë, t’i ripostojnë dhe t’u përgjigjen.
Postimet mund të jenë deri në 500 karaktere të gjata dhe përfshijnë lidhje, foto dhe video të gjata deri në pesë minuta.
j.l./ dita
