Fjalimi i Ramës në KiE, Vuçiç: Tani të ankohemi te Shën Pjetri

Me shumë kritika u prit fjalimi i kryeministrit Edi Rama në Asamblenë e Këshillit të Europës. Edhe pse Rama deklaroi se Serbia nuk i mbijeton dot sanksioneve, duhet të njohë Kosovën si shtet, mbrojti luftën e UÇK-së dhe i konsideroi të pavërteta raportet për krime lufte, nuk u bë asnjë jehonë në mediat serbe.

Rama tha për gazetarët shqiptarë pas fjalimit, se nuk e shqetëson shumë se si do komentohet nga Serbia pasi ato që tha janë të vërteta.

Mirëpo, këto deklarata nuk janë transmentuar në mediat e Vuçiç.

E vetmja ishte agjencia Tanjug,e cila ka bërë vetëm një shkrim të shkurtër.

“Duke iu drejtuar sot Asamblesë Parlamentare të Këshillit të Evropës, Rama kritikoi rezolutën e vitit 2011 për tregtinë ilegale të organeve të personave të rrëmbyer në Kosovë. Ai vlerësoi se pretendimet e Del Ponte për përfshirjen e pjesëtarëve të UÇK-së në tregtinë e organeve bazohen në burime të dyshimta.Kjo akuzë bëri bujë nga Evropa deri në Australi. Pavarësisht se akuzat në Kosovë u mohuan kategorikisht. Pyetja më misterioze ishte se çfarë e pengoi prokuroren e fuqishme të hetonte më tej”, e citon Tanjug kryeministrin e Shqipërisë.

Lajmi i Tanjug është marrë copy paste edhe nga “Blic” që i ka dhënë zë në të njëtin vend edhe deputetit dhe zëdhënësit të Partisë Popullore të Serbisë, Stefan Jovanoviç.

“Në vend që të përballet me krimet ndaj serbëve, të cilëve u janë hequr organet në “shtëpinë e verdhë” gjatë luftës dhe që autorët të dënohen, sot kryeministri i Shqipërisë u përpoq t’i paraqesë të gjitha si gënjeshtër”, tha Jovanoviç në një deklaratë me shkrim.

Ndërsa presidenti Aleksandër Vuçiç nuk bëri asnjë koment për Ramën edhe pse pati një konferencë për mediat, por u ndal tek Kosova. Në një konferencë për shtyp, Vuçiç tha se Serbia është vetë fajtore që ka lejuar që bisedimet të zhvendosen në Bruksel.

“Sa i përket Kosovës, ne vetës ia bëmë çorbën kur morëm vendimin për t’i zhvendosur bisedimet në BE. Dhe tani mund të ankohemi te Shën Pjetri, ata e shohin Kosovën si shtet të pavarur ose duan të na çojnë drejt kësaj’, tha fillimisht i pari i shtetit serb. Ajo që tha Giofre se ne duhet te shikojmë pamjen më të gjerë. Ndonjëherë kërkohen sanksione, herën tjetër Kosovën. Neve na takon të punojmë për hir të qytetarëve, të marrim parasysh gjithçka që Giofre foli, por unë nuk kam shpresa të mëdha për këtë”, tha Vuçiç.

j.l./ dita