Ai njihet si “babai” i dytë i Lionel Messit. Pa të ndoshta ‘pleshti’ s’do ishte ky që është sot dhe një nga meritat e klubit të Barcelonës ka qenë gjithmonë zbulimi dhe sakrifikimi i talenteve që fëmijë. Aq shumë i pëlqeu 12-vjeçari argjentinas gjatë seancës së vëzhgimit, pasi mendonte se kishte bërë 10 mijë km fluturim zhgënjyes, sa nuk ngurroi pas ndeshjes së moshave që ta ulte në tavolinë dhe të firmoste me të në një…kartpecetë restoranti.
Shamia prej letre ruhet edhe sot në muzeun e Barçës. Dhe Messi gjithmonë ka pasur vlerësime për të. Ai është ish-lojtari kampion i skuadrës katalanase, ish-trajner dhe sekretar e drejtor i saj pas lënies së futbollit, legjenda Carles Rexah. Atij s’i ka pëlqyer aspak që skuadra do ta kthejë Messin në Katalonjë dhe ka një arsye. Sepse dy vite më parë po kjo “juntë” sportive, e nxori mes lotësh argjentinasin nga dera e pasme. Madje i rekomandon ‘djalit’ të tij shpirtëror që të mos kthehet më.
Në rubrikën e tij të opinionit në “El Mundo Deportivo”, këtë të martë, e këshilloi lojtarin ende të PSG-së që të mos kthehet në klubin ku u bë i famshëm:
“Po e them unë, që jam tifoz i përjetshëm i Barçës: po të isha Messi, nuk do të kthehesha tani te Barça. E di që është një vendim i vështirë, sepse nënkupton një faktor të pamohueshëm sentimental për të dhe madje një projekt jetësor në të cilin ai ndihet si në shtëpinë e tij, që kur ai erdhi te Barcelona si fëmijë. Po të pyesësh zemrën, ajo të thotë kthehu”.
Ai që ishte asisteni i Johan Cruyff në “Dream Team” paralajmëron Leon se ajo që ishte gjithmonë mirënjohje ndaj tij mund të kthehet në “boomerang”: “Duke bërë një analizë të arsyeshme dhe thjesht logjike, rrezikon shumë gjëra. Rrezikoni që në fillim që tifozët, që gjithmonë të duartrokisnin, një ditë mund të të fishkëllejë, sepse të qenët Messi bën që pritshmëria të jetë e tepruar, gati çnjerëzore”.
Rexach këmbëngul se kthimi i Leos nuk mund të ndodhë për para: “Nëse Messi kthehet te Barça, nuk do të ndodhë për para. Oferta nga Arabia është e pakrahasueshme me atë që do ta paguanin këtu”, vlerësoi ai mes të tjerash dhe nuk do dont ta shikonte atë përsëri të trishtuar apo duke qarë…
