ersoni i akuzuar për sulmin ndaj shkrimtarit, Salman Rushdie ka deklaruar se ka lexuar vetëm dy faqe të librit të kontestuar të autorit, “Vargjet Satanike”.
Hadi Matar, 24 vjeç, është vetëdeklaruar i pafajshëm nga akuzat me të cilat përballet pas sulmit të javës së kaluar në Nju Jork, ku Rushdie mbeti i plagosur.
Në një intervistë të dhënë nga qelia për “New York Post”, Matar është shprehur se e kishte sulmuar shkrimtarin me argumentin se është një person që ka ofenduar Islamin.
“Nuk më pëlqen ai njeri dhe nuk mendoj se është një njeri i mirë. Ai është dikush që ka sulmuar Islamin, ka sulmuar një besim”, ka thënë agresori.
Matar nuk ka konfirmuar nëse veprimi i tij ishte nxitur nga dekreti i regjimit të ajatollahëve mbi kokën e shkrimtarit, i lëshuar në fund të viteve ’80.
Megjithatë, ai ka theksuar se e vlerëson shumë ajatollahun. “E respektoj ajatollahun. Mendoj se është një njeri i mrekullueshëm, por vetëm kaq do të them për të”, ka thënë 24-vjeçari.
Salman Rushdie e publikoi novelën e tij të kontestuar në vitin 1988, duke shkaktuar zemërim në radhët e myslimanëve, që e konsideronin përmbajtjen e tij si blasfemi.
Më tej në rrëfimin e tij, Matar është shprehur i habitur se si Rushdie i mbijetoi sulmit. Aktualisht ai po mbahet në një burg të shtetit të Nju Jorkut, në pritje të seancës së radhës gjyqësore.
a.m/dita
Si eshte e mundur Ti qe beson ne nje te plotfuqishem … ben mekatin me te madh “marrjen e jetes se nje prej bijve te te plotfuqishmit” duke pretenduar te ndihmosh te ” Plotfuqishmin “?????
Kush na e paska dhene ne/njerezve te drejten Hyjnore te marrim ” Jete ” …. Askush . Nese bejme nje gje te tille vetem njerez nuk jemi me, Jemi Kafshe .
Ka kaq nevoje per vepra te mira ne kete jeten tone tani, sa…. nuk duhet te justifikojme veten duke bere Vepra te Keqia Ne emer te se Mires ”
Hej njeri qe beson .. mos degjoni zerat e “njerezve= mekatare qe predikojne ” Te gjithe njerezit ne kete jeten tone jane Mekatare . ska asnje mundesi qe nje ” Njeri prej mishi dhe gjaku ” te jete me i mire se te tjeret . Mund te kete lexuar dicka me shume por eshte si ne te Gjithe. Ndaj ti degjojme predikimet, mesimet por te mbajme parasysh qe Ai qe po na meson ai qe po na predikon eshte prej mishi, prej gjaku eshte Mekatar me te mirat e te keqijat e Tij.
Dhe ne duhet ti perserisim vetes dhe atyre qe na rrethojne cdo dite te jetes sone si dhe atyre qe na predikojne, se me e Rendesishme eshte qe Njeriu nuk duhet Te beje Keq … nuk duhet te beje Keq … Duhet te beje Vepra te Mira .
Se mendjet e nxehura ca per gjak, ca per para ,ca per pushtet, ca per besim po shkaterrojne Jetet e shume te pafajshmeve si te atyre qe vrasin dhe te atyre qe vriten .