Presidenti ukrainas Volodymyr Zelensky denoncoi të mërkurën “monstrat” ruse pasi në mediet sociale u shfaq një video që pretendonte se tregonte prerjen e kokës së një të burgosuri lufte ukrainas.
“Ka diçka që askush në botë nuk mund ta injorojë: sa lehtë vrasin këto monstra… ne nuk do të harrojmë asgjë, as nuk do të falim vrasësit”, citohet të ketë thënë Zelensky në një mesazh në rrjetet sociale, duke u zotuar se do të sjellë drejtësi
Reagim i udhëheqësit ukrainas vjen pas shfaqjes së imazheve në rrjetet sociale, të cilat tregojnë një ushtar ukrainas të cilit i pritet koka.
Pamjet, të publikuara në Twitter, të cilat nuk janë shumë të qarta, duket se janë filmuar gjatë verës. Ato tregojnë një luftëtar rus duke përdorur një thikë për të prerë kokën e një ushtari ukrainas.
Një zë në fillim të videos të bën të dyshosh se viktima mund të ketë qenë ende gjallë kur u sulmua në mënyrë makabre me mjetin prerës.
Menjëherë pasi u shfaqën pamjet, Andriy Yermak, një këshilltar i lartë i presidentit ukrainas Volodymyr Zelensky, shkroi në Twitter: “Do të ketë një përgjegjësi për gjithçka”.
Sakaq, një kanal zyrtar Telegram i qeverisë ukrainase tha se postimi në Twitter ishte një referencë e drejtpërdrejtë për “një video tjetër ekzekutimi të publikuar nga rusët”.
Instituti për Studimin e Luftës tha të hënën se Wagner po vazhdonte të kryente krime lufte duke i prerë kokën ushtarakëve ukrainas në Bakhmut.
The execution of a Ukrainian captive…
This is a video of Russia as it is. This is a video of 🇷🇺 trying to make just that the new norm.
Everyone must react. Every leader. Don’t expect it to be forgotten.
We are not going to forget anything. The defeat of 🇷🇺 terror is necessary. pic.twitter.com/H8Or6HJnYW
— Володимир Зеленський (@ZelenskyyUa) April 12, 2023
