Ka shkuar në 16 numri i të vdekurve nga një aksident masiv në Gaziantep të Turqisë. Mediat raportojnë se mes të vdekurve janë edhe 4 punonjës të shërbimit të urgjencës, 3 zjarrfikës, 2 gazetarë si edhe 7 udhëtarë.
Mësohet se fillimisht në vendin e ngjarjes kishte dalë nga rruga një makinë dhe për t’i ardhur asaj në ndihmë aty gjendeshin autoambulanca dhe zjarrfikësit.
Dy gazetarë, Muhammed Abdulkadir Esen dhe Umut Yakup kishin ndaluar gjithashtu për të dhënë edhe ata ndihmën e parë.
Ndërkohë që po i jepej ndihma e parë të aksidentuarve, vjen me shpejtësi një autobus, i cili merr para gjithçka kishte në rrugë duke shkaktaur edhe vdekjen e 16 personave.
Autobusi fillimisht përplasi zjarrfikësen dhe më pas autoambulancën, ndërkohë që në rrugë duke raportuar ishin edhe dy gazetarët që humbën edhe ata jetën.
i.b. / dita
