Belind Këlliçi ka nisur seriozisht “nga puna” duke… promovuar projektet e kryebashkiakut të Tiranës, Erion Veliaj.
Sot kandidati i çiftit Meta-Berisha është parë i rrethuar nga mbi 10-15 kameramanë e fotografë, duke xhiruar një spot në Sheshin “Skënderbej”, një nga veprat e realizuara nga Veliaj dhe që ka marrë shumë çmime ndërkombëtare për hapësirat publike.
Nuk e dime nëse fushata e Këlliçit do të fokusohet te promovimi i punëve të Veliajt, por gjithsesi ky duket një fillim i mirë.
E inkurajojmë që të promovojë edhe Pazarin e Ri, Kalanë, Stadiumin “Arena Kombëtare”, Parkun e Liqenit e shumë vepra të tjera të realizuara këto vite nga Veliaj.
Sa për faktin se kush e financon Këlliçin që të prodhojë spote të përmasave të tilla, me kompani të shtrenjta marketingu, kjo është një pikepyetje që ndoshta s’ka nevojë për përgjigje…
Sepse ai e ka thënë më herët se rroga e deputetit nuk i dilte për të jetuar dhe jeton me lekët e vëllait (sidomos nga dje, kur s’është më deputet).
i.b. / dita
