Manneken-Pis, statuja e famshme e Brukselit është veshur sot në festën kombëtare të shqiptarëve me një prej kostumeve tradicionale shqiptare.
Statuja e Manneken-Pis shihet e veshur me rroba tradicionale shqiptare ndërsa në kokë ka të vënë një plis.
Kjo nuk është hera e parë qe statuja vishet me kostumin popullor shqiptar në ditën e pavarësisë së Shqipërisë, realizuar edhe më parë falë Bashkisë së Brukselit, duke parë vlerat që transmeton kostumi dhe si një shprehje e miqësisë që ekziston midis dy popujve.
Ka të paktën tre legjenda mbi statujën e famshme Manneken- Pis. Legjenda zyrtare thotë, që ndërkohë që Brukseli rrezikonte të merte flakë, një djalosh kaloi aty dhe duke qenë se ai nuk po gjente ujë përreth, vendosi t’a shuante zjarrin me urinën e tij. Dhe kështu shpëtoi Brukselin nga flakët.
Ndërkohë, autoritetet belge rikujtojnë se para se Manneken Pis të bëhej një figurë e njohur e folkorit belg, ai ka qenë mbi të gjitha një burim uji dhe ka luajtur një rol tê konsiderueshëm për shpëndarjen e ujit në shekullin e 15.
Statuja ka qene pjesë e pandashme e realitetit të shekullin të 17 dhe duke i shpëtuar bombardimeve të 1695, Manneken-Pis është kthyer në një nga monumentet kryesore te trashëgimisë kulturore të Belgjikës, për të cilin autoritetet belge janë përkujdesur për të në mënyrë të veçantë.
Gjatë shekullit të 18, autoritetet belge e vishnin Menneken Pis me kostume të mrekullueshme 4 herë në vit.
Menneken-Pis sot është simboli i foklorit belg të gëzimit të jetës së qytetarëve të saj dhe diversitetit kulturor të qytetit.
j.l./ dita
