Hamza ( Erzen) Uka dhe Julian Cumraku iu dorëzuan forcave RENEA ditën e djeshme pas 12 orësh negociata ndërsa ishin fshehur në një banesë në fshatin Orosh të Fushë-Arrëzit.
Të dy mendohet se qëndronin të fshehur në këtë banesë prej 2 muajsh. Në banesë iu janë gjetur armatime të shumta.
Cumraku dhe Uka ishin prej kohësh nën vëzhgimin e Antiterrorit, teksa ajo që bën përshtypje është që Erzen Uka është një ish-pjesëtar i forcave paqeruajtëse të Shqipërisë në Irak.
Erzeni (Hamza) ka qenë komando dhe ka shërbyer në Irak dhe Afganistan. Në Prill të vitit 2019, u arrestua nga Antiterrori pas dyshimeve për prirje radikale dhe nxitjen e urrejtes me qëllim kryerjen e veprave terroriste. Uka konsiderohej person me rrezikshmëri të lartë, dhe survejohej prej vitit 2007.
Në shtator të vitit 2020, ai u dënua me 3 vite burg nga gjykata e Tiranës për akuzën e “Nxitjes, thirrjes publike dhe propagandës për kryerjen e veprave me qëllime terroriste” dhe “Mbajtjes pa leje dhe prodhimi i armëve, armëve shpërthyese dhe i municionit”.
Pas arrestimit, Uka kërcënoi asokohe edhe gjyqtarin Bib Ndreca dhe prokurorin Eugen Beci, duke i paralajmëruar se do të japin llogari sapo ai të dalë nga burgu. Ai u arrestua pasi publikonte video në Facebook me përmbajtje ekstremiste si dhe stërviste fëmijët me qëllim për t’i dërguar si luftëtar të ISIS.
o.p. / dita
mos i mbani me buk kot keta kafshe , hidhjuani qelesat ne det . pse merreni ma me to
Hamza ne shqip perkthehet Tradhetar !