Shkrimtari i madh shqiptar Ismail Kadare është ndarë nga jeta mëngjesin e kësaj të hënë, në moshën 88-vjeçare. Prej një jete ai ka patur një histori të bukur dashurie me Helena Kadare, me të cilën ka dhe dy vajza.
Pak javë më parë, Helena ka qenë e ftuar në Piter Pan dhe ka kujtuar njohjen me të madhin Ismail Kadare.
“Ai mori çmimin e Republikës, unë isha nxënëse në gjimnaz dhe të gjithë e dinin që i dija përmendsh të gjitha poezitë e tij dhe më kishin shtruar fotot e tij të gazetës.
Ai nuk më njihte fare. Unë botova një tregim te ‘Zëri i Rinisë’. Ai ishte në Moskë, kishte përfunduar studimet këtu dhe kishte vajtur për specializim.
Atje vinin gazetat shqiptare në një hotel në Moskë. Ai pa këtë tregim dhe më bëri 3 rreshta: Lexova tregimin tuaj, shkruani dhe mos u trembni.
I gjithë gjimnazi e mori vesh këtë gjë që erdhi kjo letër. Pastaj kur erdhi në Shqipëri, u njohëm rastësisht në rrugë”, tha Helena.
E pyetur nga gazetarët e vegjël nëse ka marrë një unazë martese, Helena tha:
“Jo, nuk më ka dhuruar sepse ka qenë një brez që e quanin veten shumë modernë dhe përjashtonin zakonet e vjetra. Atëherë ka qenë diçka konservatore jashtë shijeve tona.
Në atë kohë nuk kishte një propozim martese. Unë isha në konvikt, isha studente e vitit të parë dhe ishte ‘Lidhja e Shkrimtarëve’.
Ismaili ftoi të gjithë shkrimtarët e ‘Lidhjes së Shkrimtarëve’ dhe unë ftova të gjitha shoqet e konviktit duke zemëruar jashtëzakonisht shumë farefisin tonë dhe gjithashtu edhe gratë e shkrimtarëve që nuk ishin të ftuara.
Aty u njohën dhe Sadija me Dritëro Agollin, ishte shoqe e klasës time”, shtoi ajo më tej.
j.l./ dita
I Madhi Kadare!
Do zoti Zija Cela me trimat e xha Sulos ,nuk e pergojne!
Po fejesen me inxhinierin Bestr Dokon professorin e inchinierisr pse nuk e permend?Po dashuriclat me cunat e Bllokut e’Besnikun’ e partise..,po na degdise deri ne Moske moj MyzeQIre!?
Jeten private te personave VIP mund ta lexosh per kuriozitet ,por eshte e ulet te komentosh.
Asnjeri nga ne nuk eshte I paster.
Nje nga keta qe kane share kadarene eshte edhe Fatos Lubonja! Ose deshtaku Tosi! Kadare ka lene nje veper madheshtore, qe do ta deshironte c’do Njeri i letarave! Po Tosi perc dashurise per Doktorin dhe Liken nuk do te na lere ndonje veper, edhe pse kur e denuan i “gjeten” nje roman nen cati?! Njerez te vegjel me ego te madhe paska patur ky vendi yne i dashur, Shqiperi! Vepra njehet Tosi jo fjalet ne Eni Vasili! Turp Tosi!