Një hotel gjigand në formën e Hënës është parashikuar që të ndërtohet në Dubai.
Sipërmarrësit e turizmit hapësinor besojnë se një ditë ne të gjithë do të zgjedhim të pushojmë jashtë ‘kësaj bote’. Ekipi që qëndron pas Moon World Resorts mendon po ashtu. Një seri hotelesh janë në planifikim, për t’i dhënë një tjetër pamje Dubait.
Ata duan të ndërtojnë një seri hotelesh gjigande të ngjashme me hënën, të ulur në planetin Tokë. Më konkretisht bëhet fjalë për Dubain.
Çdo sferë do të jetë një rikrijim 360 gradë i hënës në një shkallë të madhe, i kompletuar me kratere dhe teksturë me pamje realiste. Hëna e rikrijuar mund të jetë 224 metra e lartë, në varësi të vendndodhjes dhe lejeve të planifikimit.
Sipërmarrësi me bazë në Kanada, Michael R. Henderson, bashkëthemelues i Moon World Resorts, ka thënë për CNN se thelbi i projektit është se hëna është një “markë e njohur”.
“Shtatë miliardë e gjysmë njerëz e dinë atë, të gjithë e duan atë”, thotë ai.
j.l./ dita
