Zakonisht fotot apo videot e politikanëve planifikohen në detaje me synimin për t’i nxjerrë ata sa më të pëlqyeshëm nga publiku.
Kryeministri Rama e njeh më mirë se të gjithë këtë zanat.
Kjo foto duket sikur u ka shpëtuar filtrave, kryeministri duket shumë më ndryshe dhe më i plakur se në fotot zyrtare.
Ndoshta sepse burimi nuk është stafi që merret me prezantimin publik të kryeministrit?
Vetë autorja në fakt, nuk mendon kështu. Ajo ka një shpjegim të thjeshtë për pamjen e plakur të Ramës në këtë foto.
Fotoja mbërriti në redaksinë e DITA këtë të hënë në drekë dhe ishte shkrepur po atë çast që u dërgua.
Rama shfaqet në një tavolinë, ku ka drekuar, sipas autores së fotos, i vetëm. Sipas saj, rrotull kishte disa badigardë, por ata qëndruan në distancë pa rënë në sy tek personat e tjerë në restorant.
Restoranti ndodhet pranë Kryeministrisë, ironikisht në rrugicën që njihet si “rruga e Salës”, pasi aty banon Sali Berisha.
Pyetjes së redaksisë, si ka mundësi që Rama duket kaq i plakur në këtë foto, autorja iu përgjigj:
“I binte dielli. Eshte kombinuar me te kuqe i gjithi. Sa stylish qe eshte. Nuk ua dergova per politike, por sepse prinderit e mi ju lexojne vetem juve”.
—–
Për të gjitha dërgesat tuaja, tekst, foto ose video, mund të përdorni nr e kontaktit: +355 6890 73 730
