Publikohen fotot e dy viktimave nga vrasja e dyfishtë në Kavajë, mbrëmjen e sotme. Ata janë 43 vjeçarët Armand Gosa dhe Altin Rexha.
Sipas informacioneve zyrtare të policisë, të dy kishin ndryshuar emrat në gjendje civile. Edmond Gosa e ka ndryshuar emrin dhe në dokumente e ka Armand Gosa, ndërsa Altin Rexha rezultonte i regjistruar me emrin Sali Rexha.
Konflikti ka ndodhur jashtë një lokali në zonën e njohur si “kthesa e valutës”, ku Armand Gosa, banor i Kavajës, ka goditur me thikë Sali Rexhën, me origjinë nga Kukësi, por banues prej vitesh në këtë qytet.
Ndërsa ky i fundit pas sulmit me thikë ka nxjerrë armën e zjarrit dhe ka qëlluar agresorin e tij.
Pas përplasjes mes tyre, të dy kanë qenë me shenja jete, ndaj dhe janë dërguar me urgjencë në spital, por nuk u kanë mbijetuar dot plagëve të marra.
Edmond (Armand) Gosa ka qenë i dënuar më parë për vrasje. Ai ka plagosur me kazmë edhe një person tjetër të identifikuar si Gent Gjuzi. Ky i fundit ndërroi jetë në spital si pasojë e sulmit të Gosës, ndërsa ky i fundit përfundoi në burg.
m.b./dita
Keshtu ndodh gjithmone kur drejtesia paguhet me te zeze dhe liron kriminelet nga burgu. Me vjen keq se ishin te rinj por njerez te ketille nuk duhet te kene vend ne shoqeri.
Pse ketu lejohen komentet ndersa te artikulli per inceneratoret jo?
Gazetaria duhet te konceptoje vrasjet :
– vrasje kriminale , ku perfshihet edhe vetegjyqesia ,
– vrasje per motive vetembrojtje .