Policia franceze dhe protestuesit janë përleshur në një marshim në periferi të Parisit, Nanterre, ku një djalë adoleshent i quajtur Nahel u qëllua për vdekje nga një polic sepse nuk iu bind urdhrit të ndalimit.
Autoritetet po vendosin 40,000 policë në gatishmëri për trazirat e radhës. Ndërkohë tramvajet dhe autobusët do të ndalojnë qarkullimin më herët shërbimet në disa zona. Polici që qëlloi Nahelin është lënë në paraburgim me dyshimin për vrasje dhe aktualisht ndodhet në arrest shtëpiak.
Mbi 40 mijë efektivë policie do të mobilizohen në të gjithë Francën, e cila është përfshirë nga protestat pas vrasjes nga një efektiv policie i një 17 vjeçari franko algjerian brenda në makinë. Lajmi u bë i ditur nga ministri i Brendshëm i Francës, Gerald Darmani duke shtuar se nga përleshjet e mbrëmshme janë plagosur 170 oficerë dhe janë arrestuar 180 persona.
Adoleshenti, i quajtur Nahel M, u qëllua brenda në makinë nga efektivët të cilët e kishin ndaluar. Pas kësaj ngjarje të rëndë mijëra francezë kanë protestuar në disa qytete përfshi edhe Parisin, ndërsa në rrjetet sociale shihen videon të makinave të djegura e dyqaneve të plaçkitura.
Stacionet e policisë, oficerët dhe makinat u vunë në shënjestër të demonstruesve të dhunshëm gjatë natës. Sakaq një reagim për protestat e dhunshme, të shoqëruara me trazira, zjarr dhe dhunë ka ardhur nga Presidenti francez Emmanuel Macron, i cili e ka përshkruar dhunën si të pajustifikueshme.
