Një familje britanike përjetoi momente të tmerrshme gjatë kthimit nga pushimet në Korfuzi, kur një nga gomat e avionit të tyre shpërtheu gjatë ngritjes në aeroportin grek.
Kris Sadler, bashkëshortja dhe dy fëmijët e tyre ishin në bord kur dëgjuan një shpërthim të fortë dhe panë dridhje të frikshme në krahun e avionit. Avioni i kompanisë TUI po ngrihej në ajër, kur shpërthimi ndodhi papritur.
Pas dy orësh pa asnjë informacion nga ekuipazhi, pasagjerët më në fund mësuan se avioni kishte humbur një gomë. Piloti konfirmoi se avioni ishte i sigurt, por kërkoi që pasagjerët të bëheshin gati edhe për pozicionin e përplasjes gjatë uljes që u bë në kushtet e emergjencës në Birmingham.
Gjatë uljes së vështirë, avioni bëri manovra me një gomë të shfryrë. Në momentin kritik, një avion ushtarak u shfaq pranë tyre për të monitoruar situatën nga afër, duke siguruar mbështetje dhe siguri.
j.l./ dita
