Fuoristrada “Range Rover” bie në humnerën e Fortuzajt në Tiranë, një i vdekur dhe një i plagosur

Nga informacioni paraprak i policisë një person ka humbur jetën ndërsa një tjetër është dëmtuar dhe ndodhet në spital. Personi që ndodhet në spital është identifikuar si D.Ç., 33 vjeç, ndërkohë që personi që ka humhur jetën nuk është identifikuar ende.

Informacion paraprak:

“Më datë 21.07.2023, në fshatin Fortuzaj, ka rënë në humnerë një mjet tip “Range Rover” në të cilin ndodheshin shtetasi D. Ç., 33 vjeç, dhe një shtetas tjetër ende i paidentifikuar. Si pasojë shtetasi D. Ç., 33 vjeç, është dëmtuar dhe ndodhet në spital, ndërsa shtetasi tjetër ka humbur jetën”.