Në asteroidin Benu janë gjetur gjurmë uji dhe karboni, elementët bazë të jetës. Lajmi është komunikuar nga NASA, në bazë të analizave mbi këtë asteroid 4.5 miliardë vjeçar, kampionet e të cilit u sollën në Tokë në 23 Shtator nga sonda Osiris Rex.
Agjencia Hapësinore Amerikane bën te ditur se kampionet kanë sasi të larta të ujit dhe karbonit, një provë e mëtejshme që mbërrin për elemente jete nga kozmos.
Në kampionim janë 250 gr pluhur nga ky asteroid, dhe 5% e peshës totale është karbon, në formë organike por edhe minerale, ndërsa uji është i inkapsuluar në brendësi të grimcave.
Ky fakt, sipas NASA, është një provë e mëtejshme që konfirmon që uji në Tokë ka mbërritur nga hapësira. Sipas tyre, 4-4.5 miliardë vite më parë, Toka u bombardua nga një shi meteorësh dhe asteroidësh, që transportuan ujë dhe karbon, dhe kjo është arsyeja e prezencës së deteve, lumenjve, liqeneve e oqeanëve dhe jetës, në planetin tonë.
Kampionet do të vihen në dispozcion nga NASA të të gjithë komunitetit shkencor për të vijuar të tjera analiza. Asteroid Bennu prej kohësh vëzhgohet edhe për trajektoren e tij, pasi ndoshta pas viteve 2300 mund të ketë ndonjë mundësi afrimi me Tokën, por sipas parashikimeve të deritanishme, nuk ekziston asnjë rrezik.
