Mëngjesin e sotëm në Sarandë është gjetur në portën e një biznesi një sasi lënde eksplozivi e paplasur.
Policia ka rrethuar menjëherë vendin e ngjarjes në lagjen nr.2 dhe pritet ardhja e eksperteve anti-eksploziv.
Pranë vendit të ngjarjes ndodhen zyrat e OSHEE, një shkollë publike dhe një private.
Dyqani ku është vendosur lënda eksplozive shërben për shitjen e luleve dhe zbukurimeve për festa, në pronësi të familjarit të një avokati në Sarandë.
Mësohet se autori ka ulur automatin që të fikeshin kamerat e sigurisë përpara se të vendoste kallëpin e tritolit, ndërsa kishte ndezur fitilin e lëndës plasëse, por nuk dihet arsyeja përse nuk ka shpërthyer.
Biznesi në fjalë është në pronësi të avokatit Ilia Thanasi.
“Sot, rreth orës 08:20, në lagjen nr. 2, Sarandë, në derën e jashtme të një dyqani në pronësi të shtetasit I. Th., është konstatuar një kallëp me lëndë të dyshuar plasëse.
Grupi hetimor vijon veprimet për sqarimin e rrethanave të ngjarjes, identifikimin dhe kapjen e autorit/ëve”, raporton Policia.
j.l./ dita
