Sinoptikani grek Sakis Arnaoutoglou njihet për analizën e fenomeneve të motit në rajonin tonë.
Ai kryen parashikime edhe për Shqipërinë. Sipas tij, prej ditës së martë e deri të shtunën që vjen ka rrezik për përmbytje të mëdha në zonën e Shkodrës për shkak të reshjeve të dendura e të vazhdueshme të shiut.
I pyetur më hollësisht, ai thotë se vala e motit të keq që po vjen nga Europa Qëndrore do të sjellë, fenomene të tejskajshme, në kufirin e Shqipërisë me Malin e Zi dhe më pas në zonat në veri të vendit. Midis Shkodrës dhe Kukësit parashikohen reshje të shumta bore.
“Priten në pjesën perëndimore të Gadishullit Ballkanik në Mal të Zi, por kryesisht në pjesën veriore të Shqipërisë të kemi veçanërisht reshje të dëndura shiu, të cilat do të vazhdojnë gjithë javën deri të shtunën dhe nuk përjashtohet të shkaktojnë probleme të mëdha nëse do të dalin të vërteta parashikimet sinoptike.
Gjithashtu në zonat malore në veri të Shqipërisë do të ketë reshje bore që do të zbresin nga lartësia prej 1700m deri në zonat me lartësi 1000m nga e enjtja dhe flasim për reshje bore shumë të dendura.”- tha sinoptikani i ERT.
Sipas Arnaoutoglou në shumë vende trashësia e borës mund të kalojë edhe mbi 1m. Vala e motit të keq do të prekë prej së mërkurës edhe zonat kufitare të Shqipërisë me Greqinë pranë Janinës ku parashikohet të ketë edhe aty reshje të dendura shiu që mund të shkaktojnë përmbytje.
o.j/dita
Nga një institut meteorologjie, qenka katandisur Shqipëria tek një sinoptikan grek!!!???? Të vësh kujen!
Eno . U shkaterrua cdo gje dhe ato pak qe na kishin mbetur nga e kaluara primitive .Bota ka sisteme te avancuara te teknologjise qe percaktojne kohen . Keta tanet ose do bejne krahesime mbi bazen e atyre qe kane ndodhur ose do kopjojne ndonje shtet tjeter per kohen .Qendrat qe funksjonojne sot nuk jane te paisur me aparatura moderrne qe studjojne fenomenet qe ndodhin ne atmosfere per te dhe nje parashikim te motit . Kohen sot tek ne me mire e parashikojne ata qe gjate gjithe viteve kane ndjekin fenomenet e natyres .Nje detar i vjeter mund te arrije te parashikoje kohen me nje saktesi deri ne 75% . Nje coban ,qe ka trasheguar shenjat ne kupen qiellore nga te paret, deri ne 85%. Keto hulumtime te kombinuara me teknologjine e sotme satelitore arrijne te parashikojne kohen ne masen 95%.Ne skemi teknologjite tille dhe per rrjedhoje do te mbeshetemi tek vendet e tjera .Ke pare ti ne ekranet e TV te dali ndonje sinoptikologe me grade shkencore te japin kohen? Dalin ca cupulina ne veshje ekstravagante qe me shume na bejne per te qeshur se sa te mesojme kohen .