Gjykata e Posaçme ka shtyrë ditën e sotme sërish gjykimin për ish-kryebashkiakun e Durrësit Vangjush Dakon. Seanca e radhës pritet të mbahet më 27 shkurt ora 12:00. GJKKO sot ktheu për hetim aktin e dytë penal pasi nuk konstatoi akt-ekspertimi në gjetjet e prokurorisë për përcaktimin e dëmit në raport me projektin.
Dako akuzohet për shpërdorim detyre dhe falsifikim dokumentesh në dy raste. Rasti i parë ka të bëj me një pallat që u nis me 7 kate në 2010 dhe përfundoi 11 kate në vitin 2014. Ky pallat për shkak se nuk ishte bërë kontrolli sizmik nuk arriti që të përballonte tërmetin në vitin 2019 dhe u dëmtua. Për këtë u arrestua dhe ndërtuesi i pallatit Fiqiri Farruku. Për këtë rast akuzohen Vangjush Dako, Drejtori i Drejtorisë së Kontrollit dhe Planifikimit të Territorit Adhurim Qehajaj. Arkitekti Ermal Lama, projektuesja Meri Semini topografët Fatmir Ejupi dhe Adrian Bulku.
Rasti i dytë ka të bëjë me një tender të datës 25 mars 2014 për shërbim konsulence, sigurimin e një projekti të quajtur “Projektim zbatim për Promenadën Bregdetare dhe Plazhin publik nga Bërryli deri në Currila”. Për këtë akuzohen Vangjush Dako dhe grupi punës i përbërë nga, Adhurim Qehajaj, Diana Dedja, Adnan Toçila, anëtarë të cilët kanë patur si detyrë, përcaktimin e termave të referencës dhe fondin limit. Fondi limit i tenderit në fjalë ishte 21 milionë lekë, por për shkak të një gabimi në sipërfaqen e projektit, ku u ndryshua nga 2.04 hektarë në 20.4 hektarë, vlera arriti në 210 mln lekë.
j.l./ dita
Perderisa Dako arriti te nxjerre Lul Berishen nga burgu nuk arria te nxjerre veten ! Pastaj ka dhe dy arsye te tjera 1) qe si te gjithe pushtetaret qe kur arrestohen semuren dhe e dyta qe eshte mik i ngushte i Rames keshtu qe faji “eshte i prokurorise” qe si ka plotesuar mire dosjet.
Shtyrja e gjykimit eshte ne dem te Dakos, i cili po kalon dimrin ne qeline e Burgut te Fierit, jo shume i rehatshem.
Dako qendron ne burg, Malltezi eshte ne shtepi, Salianji eshte i lire, kjo nuk shkon.
Mos flisni perralla, Dako ka nje akuze qe nuk duhet te denohet.
Meqe jane te semure,nuk mbajne mend,pse te arrestohen!?Sekuestra e pasurive te tyre te pa vertetuara ngaa ligjet eshtetit,do te ngrinin edhe pagen minimale edhe pensionet minimale!