Gjykata Administrative e Tiranës ka rrëzuar kërkesën e shoqërisë ”We Web”, në pronësi të deputetit demokrat Agron Shehaj, i cili kërkoi që të hiqen shiritat e bllokimit të ambienteve ku ai zhvillonte biznesin e tij.
Sipas gjykatës, objekti i kërkesës nuk është konform ligjit. Pak ditë më parë deputeti i Partisë Demokratike, Agron Shehaj, deklaroi se Policia ka mbyllur biznesin e tij dhe ka sekuestruar ambientet në të cilat operonte, pa asnjë leje apo urdhër nga Prokuroria.
Ndërkohë, Ministria e Brendshme iu përgjigj duke thënë se pallati ku ndodhej biznesi i tij, kishte 55% të kateve pa leje.
“Eshtë pikërisht ky objekt me mbi 55% shtesë kati, ose thënë ndryshe 560 m2 pa leje, ku kompania e deputetit Shehaj ka vendosur aktivitetin. E megjithë paligjshmërinë në flagrancë, nga shkelësi artikulohet me lehtësinë më të madhe, akuza për mbyllje biznesi të ndershëm”, thuhej në njoftim.
Kujtojmë se bllokimi i pallatit nga Policia solli edhe përplasje në distancë mes deputeti të PD dhe kryeministrit Edi Rama.
o.j/dita
Mos i ngacmoni “demokratët”! Ata rrëzuan komunizmin! Sollën “lirinë” dhe kaosin. Shkatërruan partinë dhimokratike dhe po munohen shumë me e bashkue, po foltoret e salihit nuk po kuptohen “mirë” nga një pjesë e dhemokritëve. Pra, ata janë në hall, ju u bllokoni aktivitetin e paligjshëm! Ky goni i shehajve i ka premtuar ndërtuesit të shtesave të kateve se do ia rregullojë letrat, sapo të vijë në pushtet/pusetë fultorja me pimaret, duke i shpjeguar se pd i bën të gjitha dhe në fund e siguroi duke i thënë: votoni pd, ne qeverisim, bota na ndihmon, paratë dhe të mirat i marrim ne!…