Gjykata e Lartë nuk ka pranuar rekursin e ish-zv.kryeministres Belinda Balluku për ndalimin e daljes së saj jashtë shtetit. Masa u vendos nga ana e GJKKO pas kërkesës së SPAK.
Vendimi në Gjykatën e Lartë është marrë nga gjyqtari Ilir Panda, i cili ka lënë në fuqi bllokimin e pasaportës së ish-zëvendëskryeministres. Dokumenti i udhëtimit është sekuestruar që prej 19 nëntorit, me vendim të Gjykata e Posaçme kundër Korrupsionit dhe Krimit të Organizuar.
Ndaj Ballukut rëndon akuza për shkelje të barazisë në tenderë, e cila i është komunikuar në kuadër të hetimeve në vijim. Ajo është gjithashtu nën hetim për çështjen e 7 loteve të Ujësjellësit të Unazës së Madhe, si dhe dyshohet për përfshirje në tre tenderë të tjerë.
SPAK dështoi të arrestojë ish-numrin dy të qeverisë, pasi kërkesa e Prokurorisë së Posaçme për heqjen e imunitetit të deputetit, u hodh poshtë nga mazhoranca socialiste.
Me këtë vendim të Gjykatës së Lartë, masa “ndalim i daljes jashtë shtetit” mbetet në fuqi, ndërsa hetimet e SPAK ndaj Ballukut vijojnë ende.
j.l./ dita
Po kerkon thele permbi bisht.
Si per veten e vet,Palloshi nuk pranoi te hiqet Imuniteti,Te arrestohet,,Ti sekuestrohet pasuria.Sakrifikoi edhe Objektivin e Qeverrise Edi Rama-Integrimin Evropian.Me bllokimin e Integrimit Evropian,eshte kthyer nga Integrimi Amerikan.Cfere kerkon me teper Ballukja?Gezo Ato qew ke vjedhur dhe puno fort per te mbushur kutite e Partise me vota.
Keshtu ja shperblen besimin qe te dha Udheheqesi.