Gjykata penale e Brukselit dënoi 11 persona të dyshuar të cilët thuhet se kanë marrë pjesë në trafikun e kokainës mes Holandës dhe Italisë. Dënimet që u dhanë për anëtarët e grupit kriminal ishin nga një deri në 10 vite burg. Banda vepronte nga Grimbergen në Brabant Flemish midis prillit dhe dhjetorit të vitit 2020.
Hetuesit arritën të zbulonin rrjetin, vetëm pasi një nga drejtuesit e saj u qëllua për vdekje në prill 2020 nga një vrasës me pagesë, në një piceri të vendosur në qendër të Strombeek-Bever. Viktima ishte kreu i dyshuar i bandës, ndërsa autori një shtetas shqiptar. Sipas prokurorisë publike Halle-Vilvoorde, banda importoi të paktën 84 kilogramë kokainë nga Kolumbia dhe Holanda, e presoi në Belgjikë dhe më pas e transportoi në Itali me makina me ndarje të modifikuara.
Rrjeti i drogës, i përbërë kryesisht nga shqiptarë e bullgarë, u ekspozua pasi pronari i një picerie në Strombeek-Bever u qëllua në mes të ditës në prill 2020. Burri mbeti i plagosur rëndë në vendngjarje, por më pas ka ndërruar jetë nga plagët e marra në spital. Makina e arratisjes së autorit është gjetur e djegur në Meise.
Arma e vrasjes ishte në makinë. I dyshuari, ndoshta një vrasës me pagesë, u arrestua pak më vonë në Merchtem. 37-vjeçari shqiptar ndodhet ende në paraburgim në pritje të gjykimit. Pas vrasjes së pronarit të picerisë, vëllai i tij mësohet se ka marrë drejtimin e rrjetit të drogës. Burri, së bashku me njëmbëdhjetë të dyshuar të tjerë, u ndoqën penalisht nga zyra e prokurorit publik Halle-Vilvoorde. Njëmbëdhjetë prej tyre morën dënime me burg nga një deri në dhjetë vjet. E veja e pronarit të picerisë u shpall e pafajshme.
p.c. / dita
