Pas nisjes së procesit gjyqësor ndaj ish-presidentit Donald Trump në Neë York, reagon për herë të parë Shtëpia e Bardhë. Përmes një reagimi, Shtëpia e Bardhë thotë se presidenti aktual i SHBA-ve, Joe Biden, është plotësisht i vetëdijshëm për akuzën e paraardhësit të tij, por sipas tyre, fokusi i tij nuk do të jetë vetëm tek ajo çështje.
“Presidenti do të përqendrohet te populli amerikan si çdo ditë. Kjo nuk është diçka që është në fokus për të,” tha sekretarja e shtypit e Shtëpisë së Bardhë, Karine Jean-Pierre.
Sigurisht, kjo po shfaqet në shumë prej mediave për orë e orë të tëra, kështu që padyshim, Biden do të lexojë një pjesë të lajmeve kur të ketë një moment për të kapur lajmet e ditës, por kjo nuk është fokusi i tij”, shtoi ajo.
Biden do të takohet me rrjetin e tij të Këshilltarëve për Shkencën dhe Teknologjinë, për një bisedë mbi inteligjencën artificiale.
Presidenti ka refuzuar në mënyrë të përsëritur të komentojë mbi rastin, por tha se ka besim në Departamentin e Policisë së Nju Jorkut. Ai gjithashtu u përgjigj pozitivisht kur u pyet nëse ka besim në sistemin ligjor të hënën.
m.b./dita
