Mbrëmjen e sotme, një ngjarje e rëndë ka ndodhur në kryeqytetin grek Athinë, ku një 36-vjeçar shqiptar ka qëlluar me pistoletë ndaj 3 personave në një makinë.
Mediat greke njoftojnë se në zonën Paleo Faliro, personi është afruar në një automjet të parkuar në rrugën Nazliu dhe ka qëlluar me pistoletë ish-të dashurën 27 vjeçe, vëllain e saj 20 vjeç dhe shokun e saj 30 vjeç, të cilët kanë plagë të rënda dhe luftojnë për jetën.
Mësohet se të tre të plagosurit janë po ashtu nga Shqipëria. Pas ngjarjes, 36-vjeçari është larguar në drejtim të panjohur, ndërsa është shpallur në kërkim nga policia greke.
Policia ka arritur menjëherë në vendngjarje dhe ka nisur hetimet për të gjetur autorin ndërsa gjetën 2 gëzhoja që dolën nga arma. 36-vjeçari identiteti i të cilit nuk dihet ende është larguar në drejtim të panjohur.
m.b./dita
