Në fund të ndeshjes kundër Evertonit, ku Manchester City mori një fitore të çmuar në garën për titull, trajneri Pep Guardiola komentoi lojën e skuadrës. Duke folur për mediet, Guardiola theksoi se skuadra e tij bëri një ndeshje të mirë, ndërsa shtoi se takimi i radhës është shumë i vështirë për ta. “Ishte një fitore e mirë. Që në minutën e parë ne luajtëm shumë mirë. Ne ishim të duruar. Ndoshta prisnim më shumë presion nga Everton, por ata nuk e bënë atë. Jemi duke marë rezultate pozitive, por ndeshja e radhës nuk ka për të qenë e lehtë”, tha ai. Duke iu referuar këtu ndeshjes së kthimit ndaj Real Madrid për gjysmëfinalen e Champions League.
Guardiola i kënaqur me rezultatin, por thotë se ndeshjet e mbetura s’do jenë të lehta
