Partia Socialiste do të mbledhë sot Asamblenë Kombëtare të saj.
Mësohet se mbledhja do të zhvillohet online dhe nis në orën 17:00 me fjalën e kreut të PS-së, Edi Rama, i cili pritet t’u lërë porositë e tij anëtarëve të asamblesë kur ndajnë më pak se 1 vit nga zgjedhjet e 2025-ës.
Pas Ramës, fjalën pritet ta marrë Sekretari i Përgjithshëm i Partisë Socialiste Blendi Klosi, i cili do të raportojë për ecurinë e procesit të zgjedhjeve të përgjithshme brenda partisë.
Gjatë punimeve të asamblesë do të miratohet edhe projektvendimi për thirrjen e Kongresit të Partisë Socialiste i cili është edhe organi më i lartë vendimmarrës i kësaj force politike, i cili pritet të mblidhet gjatë muajit korrik ku do të zgjidhet asambleja e re e partisë socialiste.
Kështu, Rama mbledh Asamblenë brenda vitit për të katërtën herë, ndërsa në tre mbledhjet e kaluara, ka kërkuar më shumë angazhim në terren nga anëtarët e asamblesë dhe rritje të aktivitetit të tyre në rrjetet sociale.
j.l./ dita
Na hapën punë me këto përgjime. Si ka filluar kjo punë, çdo muaj do të ketë mbledhje të ansamblesë për këta që hanë fruta dhe perime pas krahëve.
Për pensionet çfarë po bëhet apo pritet të vij një kovid i dytë, ti gjejë pa imunitet dhe të shkojnë së shpejti në botën tjetër të rehatshme. Me këtë rast shpëton qeveria Rama dhe rrogat e parlamentit kanë mundësi të rriten më shpejt. Në këtë rast populli do t’ju mallëkojë”Mos pafshit kurrë ditë të mira”
Nuk eshte se Edi Rama nuk do qe te rrisin pensionet por aq jane mundesit. Edi Rama do ndjehet i lumtur po te rrisin pensionet,por ka disa rregulla dhe kushte qe nuk e lejojn. Jam kundershtar politik i tij por po them te verteten.