Koncerti i fundit i Dua Lipës në Toronto ka kaluar me incidente. Disa fansa, të cilët futën fishekzjarre brenda ambienteve ku u mbajt koncerti, i kanë ndezur ato dhe kanë plagosur disa të pranishëm.
Këngëtarja po performonte në skenë në Scotiabank Arena, kur disa fishekzjarre shpërthyen drejt dyshemesë dhe skenës.
Në videon nga incidenti, shihen shpërthime të shumta me ngjyra të ndryshme teksa në skenë po performojnë Dua Lipa dhe balerinët e saj shoqërues.
Një përfaqësues i Shërbimit Policor të Torontos tha për TMZ se ata morën një telefonatë pak para mesnatës për fishekzjarre në fund të shfaqjes.
TMZ raporton se të paktën 3 persona kanë pësuar lëndime të lehta, por për fat të mirë, askush nuk ka pasur nevojë të shtrohet në spital.
Policët po punojnë me stafin e sigurisë në Scotiabank Arena për të shqyrtuar pamjet e sigurisë dhe për të përcaktuar se si u futën fishekzjarrët brenda dhe kush është përgjegjës për ndezjen e tyre.
Dua në një postim në InstaStory ka thënë se fishekzjarrete kanë qenë të paautorizuara, teksa ka shtuar se krijimi i një hapësire të sigurtë për fansat e saj në koncertet që ajo i mban është thelbësor.
“Ka një hetim në vazhdim për ngjarjen dhe të gjithë personat e përfshirë po punojnë shumë për të gjetur se si ndodhi ky incident”, shkruan ndër të tjera ajo.
j.l./ dita
