Rreth tre muaj më parë, australiani Tim Shaddock filloi një aventurë me qenin e tij, Bella. Në moshën 54-vjeçare, ai kërkoi një përvojë të re dhe prillin e kaluar hipi në varkën e tij, Aloha Toa, në La Paz, në shtetin meksikan të Baja California Sur. Objektivi, për të arritur Polinezinë Franceze: një udhëtim prej më shumë se 6000 kilometrash.
Por brenda pak javësh udhëtimi pësoi një pengesë të papritur. Një stuhi e fortë në ujërat e Oqeanit Paqësor dëmtoi rëndë varkën. I mbijetuari, i mbajtur në gjendje të pakomunikuar, u la në këtë mënyrë “në një situatë jashtëzakonisht të pasigurt pa furnizime apo strehë adekuate”. Gjatë këtyre tre muajve ai arriti të qëndronte gjallë, së bashku me kafshën e tij, duke ngrënë peshk të gjallë dhe duke pirë ujë shiu.
Për fat të mirë, historia ka pasur një fund të lumtur. Këtë javë ai u pa dhe u shpëtua nga një anije peshkimi meksikane, e cila e gjeti atë duke lundruar në ujërat ndërkombëtare. Pas një udhëtimi të gjatë, Shaddock tashmë ka shkelur në tokë dhe ka treguar se si ishte përvoja e tij. “Ka qenë një sprovë. Kam kohë që jam vetëm në det të hapur”, siguroi ai mediumin australian 9News. Më tej shtoi se “mendonja se nuk do mbijetoja dot”.
Kompania e peshkut që e gjeti, siguron se ai ishte në një situatë “jashtëzakonisht të pasigurt”, për këtë arsye iu dha kujdes mjekësor pas shpëtimit. Anija ishte në një udhëtim të zakonshëm peshkimi më shumë se 2000 kilometra nga bregu, kur disa anëtarë të ekuipazhit panë të humburin dhe ia raportuan kapitenit, Óscar Meza.
