Një aksident tragjik ndodhi pasditen e djeshme në fshatin Bërxullë. Një fëmijë 6 vjeç me inicialet Sh.K. humbi jetën pasi u përplas nga një makinë.
I mituri ishte ulur në një tavolinë në lokalin e të atit kur dy makina janë përplasur me njëra tjetrën dhe më pas njëra prej tyre me fëmijën.
Për fat të keq vogëlushi ka gjetur vdekjen e menjëhershme.
Sipas dëshmitarëve, njeri prej shoferëve ka qenë me 160km/h kur e ka përplasur të miturin të cilin e ka dëmtuar në pjesën e kokës.
Ngjarja ka tronditur familjarët por edhe banorët e lagjes.
Ata fajësojnë drejtuesit e mjeteve për aksidente të tilla por po ashtu mungesën e barrierave mbrojtëse.
Policia ka arrestuar dy shoferët.
o.j/dita
