Kryeministri i vendit Edi Rama është nisur për të vizituar familjen e 18-vjeçarit Anri Kashikut, i cili mbeti i mbytur ditën e djeshme teksa shpëtoi 2 jetë të tjera.
Anri Kashiku, nuk u mendua dy herë teksa pa se i vëllai dhe shoku i tij po rrezikonin të mbyteshin. Ai shkoi fillimisht me pedalonë për të shpëtuar të miturit, por në një moment edhe mjeti filloi të mbytej.
Kashiku vendosi të mos e marrë mjetin, duke shkuar të shpëtojë vëllain dhe shokun e tij me not. Ai arriti t’i shpëtonte dy adoleshentët, por në këtë përpjekje shpëtimi i riu humbi jetën.
Sot familja e Anri Kashikut ka hapur dyert e mortit për të përcjellë djalin e tyre, i cili tashmë quhet hero nga të gjithë banorët e lagjes në të cilën ai banonte.
Kryeministri Rama tha se Anri Kashiku do të shpallet Dëshmor i Atdheut.
a.m/dita
Ata qe marin te ardhura nga cadrat, duhet te paguaje shoku Kryeminister. Jetojme ne sistemin e parase, nuk i duhet kujt titulli hero i popullit. Perse duhej qe qytetari te kryej punen e tjetrit, te atij qe mere para nga cadrat e vendosura ne rere.
Ngushellime familjes, ndersa titulli “Deshmor i Atdheut” eshte nje abuzim i paster i Kryeminsitrit me postin.