Kongresmeni republikan në SHBA, George Santos është akuzuar nga prokuroria për mashtrim, pastrim parash dhe përvetësim të fondeve publike. Kështu thuhet në padinë federale prej 13 pikash.
CNN shkruan se përfaqësuesi i Nju Jorkut iu dorëzua autoriteteve të mërkurën pas publikimit të lajmeve mbi akuzat që rëndojnë ndaj tij.
34 vjeçari akuzohet se është përfshirë në skandal që kur mori detyrën në janar dhe më pas rezultoi se pjesa më e madhe e CV-së së tij nuk ishte e vërtetë. Ndaj tij rëndojnë tre akuza kryesore.
Së pari ai akuzohet se ka mashtruar ata të cilët financuan fushatën e tij elektorale për në Dhomën e Përfaqsuesve, para të cilat Santos thuhet se i ka përdorur për veshje dhe shpenzime luksi.
Së dyti, Santos dyshohet se ka marrë pjesë në një skemë mashtrimi, duke përfituar ndihmën e qeverisë për Covid-19 duke u deklaruar s ii papunë pavarësisht se paguhej 120,000 dollarë përmes punësimit të tij në një firmë investimi me bazë në Florida.
Së fundi, prokurorët pretendojnë se republikani ka mashtruar Dhomën e Përfaqësuesve në lidhje me financat e tij, duke deklaruar shifra aspak të vërteta që sipas tij i ka përfituar nga kompani të ndryshme ku ka punuar.
o.j/dita
