María Morán shpërtheu në Twitter, teksa denoncoi te autoritetet kërcënimet që po merr prej disa ditësh. Gazetarja sportive, e cila ushtron profesionin e saj si reportere e Gol Tv, ka denoncuar publikisht kërcënimet e rënda dhe ofendimet seksiste që po merr në rrjetet sociale, si pasojë e pyetjes së saj drejtuar Carlo Ancelottit, në një konferencë për shtyp pak ditë më parë. “A mendoni se një karton i kuq mund të jetë i mirë për Vinicus, si praktikë për këto protesta të vazhdueshme ndaj arbitrave?”, pyeti 34-vjeçarja asturiane.
“Një e kuqe? Jo, nuk keni nevojë për një të kuqe. I mungon vetëm një e kuqe gjithashtu. Me gjithë kartonët e verdhë që ka marrë, mendoj se mjaftojnë”, u përgjigj trajneri i Real Madridit. Mesa duket pyetja e ngritur nga María Morán ka tërbuar një pjesë të përdoruesve të rrjeteve sociale, të cilët kanë reaguar në mënyrë efuzive, duke e kthyer profilin e gazetares në një ‘kosh’ fyerjesh dhe kërcënimesh, që tashmë kanë përfunduar me një denoncim në polici.
