Një inspektor policie që shërben në policinë Kufitare të Pustecit është vënë në pranga nga gjencia e Mbikëqyrjes Policore, pasi ditën e djeshme u përfshi në një aksident në aksin rrugor Korçë- Bilisht.
Autoritetet sqarojnë se efektivi 58-vjeçar Rajmond Xhipo, ka qenë duke drejtuar mjetin nën efektin e alkoolit, në momentin kur është përplasur me një furgon.
Njoftimi
Agjencia e Mbikëqyrjes Policore (Rajoni Elbasan – Korçë) arrestoi në flagrancë punonjësin e Policisë, Inspektor, Raimond Xhipo, 58 vjeç, me detyrë Trup Shërbimi në Stacionin e Policisë Kufitare Pustec, në Drejtorinë Vendore për Kufirin dhe Migracionin Korçë.
Ai dyshohet për veprën penale “Drejtimi i automjeteve në mënyrë të parregullt”.
Sot rreth orës 17:25, duke drejtuar mjetin në rrugën nacionale Korçë – Bilisht, është përfshirë në aksident rrugor me dëme materiale, me një mjet tip furgon.
Nga testet e kryera në vendngjarje ka rezultuar se punonjësi i Policisë kishte konsumuar alkool tej normave të lejuara.
Ai ishte duke shkuar për të marrë detyrën.
Materialet procedurale do t’i përcillen Prokurorisë Pranë Gjykatës së Shkallës së Parë të Juridiksionit të Përgjithshëm Korçë.
p.k\dita
