Policia e Lushnjes ka vënë nën pranga një shtetas 42-vjeçar pasi rezultoi se po drejtonte mjetin në gjendje të dehur.
Në njoftimin e policisë thuhet se shtetasi V. K, ka qenë duke drejtuar makinën në gjendje të dehur dhe nuk i ka ndaluar efektivëve, por është larguar me shpejtësi duke u rrezikuar atyre jetën. Pas ndjekjes 42-vjeçari është kapur në fshatin Thanasaj, ku pas testimit rezultoi se ai e drejtonte automjetin në gjendje të dehur.
“Drejtonte automjetin në gjendje të dehur dhe nuk iu bind urdhrit të punonjësve të Policisë, për të ndaluar, por shtoi shpejtësinë, duke u rrezikuar atyre jetën, kapet dhe vihet në pranga 42-vjeçari.
Specialistët për Hetimin e Krimeve të Komisariatit të Policisë Lushnjë arrestuan në flagrancë shtetasin V. K, 42 vjeç, banues në Peqin, pasi gjatë natës, në vendin e quajtur “Rotondo e Çermës”, duke drejtuar automjetin, nuk i është bindur urdhrit të punonjësve të Policisë, për të ndaluar, por është larguar me shpejtësi, duke u rrezikuar atyre jetën.
Si rezultat i koordinimit të veprimeve operacionale dhe ndjekjes nga shërbimet e Policisë, 42-vjeçari është kapur në fshatin Thanasaj, Lushnjë. Pas testimit me aparatin alkool-testues, rezultoi se shtetasi V. K. e drejtonte automjetin, në gjendje të dehur”, thuhet në njoftimin e policisë.
p.k\dita
