Ditën e sotme në qytettin e Tetovës do t’i jepet lamtumira e fundit, këngëtarit dhe artistit të njohur Shpat Kasapi. Ai ndërroi jetë si pasojë e një arresti kardiak më 26 nëntor, në Itali. Trupi i tij do të prehet në vendlindje, ndërsa homazhet do të zhvillohen sot në në Pallatin e Kulturës në Tetovë.
Homazhet do të fillojnë në orën 12:00, ndërsa ceremonia e varrimit do të mbahet në orën 14:00. Familja e artistit të njohur ka njoftuar, mbi ceremoninë mortore, ndërsa me dhimbje ka ftuar të gjithë ata që dëshirojnë ta nderojnë për herë të fundit artistin.
“Me hidhërim të thellë kumtojmë ndarjen nga jeta të birit, bashkëshortit, babait, vëllait dhe mikut tonë të dashur, Shpati ishte një zemër e pastër, një shpirt i gëzueshëm që jetonte me këngë në buzë dhe me dritë në sy. Ai përhapte vetëm dashuri e mirësi, dhe kushdo që e njihte, e ndiente ngrohtësinë e tij. Largimi i tij i papritur na ka thyer zemrat. Do të na mungojë zëri i tij i butë, buzëqeshja e sinqertë dhe prania e tij qetësuese. Kujtimi i tij do të mbetet i paharruar për ne”, thuhet në njoftimin e familjes.
j.l./ dita
