Një i moshuar që dyshohet se vuan nga probleme të shëndetit mendor është gjetur i vetëm në Kamzë.
Policia e Shtetit, me anë të një njoftimi për mediat, ka bërë thirrje që kushdo që ka informacione mbi identitetin e tij, të vijë ta marrë në komisariat.
“Kamzë/Informacion paraprak: Më datë 31.03.2023, është konstatuar në Kamzë, i vetëm, një i moshuar që dyshohet se vuan nga probleme të shëndetit mendor.
I moshuari nuk mund të identifikohet, nuk e mban mend banesën ku jeton dhe është shoqëruar në ambientet e Komisariatit të Policisë Nr. 5.
Drejtoria Vendore e Policisë Tiranë fton qytetarët që mund të kenë dijeni për familjarët e tij të telefonojnë në numrin pa pagesë 112.”, njofton Policia e Tiranës.
o.j/dita
