Anëtarët e grupit kriminal të goditur tashmë nga një megaoperacion i SPAK dhe mafias italiane, përdonin kode të ndryshme në bisedat e tyre ndërsa i referoheshin sasisë së lëndëve narkotike, korrierëve, policivë etj.
Në dosjen hetimore, vihet re përdorimi specifik i shprehjeve të tilla si “e bardha” për të treguar substancën narkotike e llojit kokainë; ose edhe “ai i ziu” ose “i kuqi” për të treguar substanca si heroina. Lidhur me këtë dalin në pah më shumë referenca ndaj shprehjeve që i drejtohen llojit të heroinës, siç është ai i “lloji banane”, e karakterizuar nga një ngjyrë kafe e çelët, ‘si karamel“. Në përgjithësi, pavarësisht nga lloji, u vu re përdorimi i termit “mall“.
Termi “pako” është përdorur për të treguar blloqe narkotikësh, pavarësisht sipas peshës, ndërsa treguesit “i vjetër” dhe “i ri” u përdorën për të dalluar furnizimet e mëparshme nga ato pasuese.
Me termin “punë”, folësit kishin për qëllim t’i referoheshin aktivitetit që lidhet me një furnizim ose trafikim specifik të drogës. Korrieri i caktuar për të transportuar substancën është quhej “shofer”, ndërsa termi “mjete” përdorej për të treguar të gjitha pajisjet e nevojshme për përpunimin, prerjen dhe paketimin në blloqe të substancës narkotike.
i.b./dita
